尋日同啤啤傾左一陣電話同 msn…
經互相了解之後…
心裡面唔舒服既野一掃而空~
原來溝通係真係非常之重要…
大家又係硬頸既人
唔係拎件事出來面對面講
我諗我又會收埋收埋自己唔開心 (壞習慣)
好彩啤啤有耐性…
比著對住個火爆得來又唔講道理既人…
就真係得個嘈字…
不過最好彩都係啤啤佢有心想知道我既睇法
我有咩事都會寫哂係呢度
當然啦~ 太私人既唔比得大家知~
佢日日都有睇呢個 Blog 我又不時都有更新~
開心~ 唔開心~ 都會寫哂係度~
一來係因為自己記性唔好~
寫底用來提醒自己!
二來係用來同啤啤溝通~
因為有好多野我都唔願意用說話去解釋
有時係唔知點講… 有時係因為好難講得出口…
寫左係度… 啤啤睇左之後知道我有咁既諗法
就會即刻搵我解釋同了解…
了解左了後先至真真正正解決到呢件事
先至唔會再因為呢件事大家個心有條刺
一路以來都好似係我自己慣性逃避問題
發生左事之後… 因為自己唔中意嗌交
所以一有事發生都自動波會當無事發生…
表面好似無事… 但係其實積埋積埋好多問題!
以前一直都係咁… 因為對方一直都唔想去了解我既諗法~
而家會解決(了解)左件事 !
知道左對方點解咁諗… 點解咁做…
咁樣段感情先會開心同長久~
[1]
