因為新工既問題
我同啤啤呢幾日都成日差 d 嗌交...
因為我牛皮氣又中意鑽牛頭尖...
啤啤教左好多次叫我克服工作上既問題
我都聽唔入耳... 諗唔開...
msn 到嗌哂交咁... 佢又嬲! 我又嬲!
佢嬲係因為我點極都唔明...
我嬲係因為啤啤唔明我點解唔開心...
以為我覺得多野做辛苦就唔想做唔想返工...
我想返工! 我覺得有工返好開心! 我唔會唔想返工!
不過我唔想搵份我唔中意做又做唔來既工...
人工係高左... 不過我做唔來...
浪費左人地既時間人力物力...
可能又係我自己既性格問題...
無把握既野... 我好少會去做...
唔中意充大頭鬼... 唔得會老實講...
但係咁樣搵工可能要搵比較長既時間...
搵到自己有把握既工
就算人事幾有問題... 做野又山長水又遠...
我都唔介意... 介意既唔係我...
係我身邊既朋友...
佢地覺得我唔應該咁少人工...
做 d 代步取版既工作...
我識既野唔少... 但係可以用係咩工度先至最學以致用呢?
(離哂題.... 講返我同啤啤...)

心情真係非常之差...
講野語氣又硬...
真係差 d 就想熄電腦...
我又講極佢唔明
佢又講極我都唔明
炆到個人發哂皮氣... 差 d 喊... (係屋企...)
我係咪真係咁有問題...
有 d 野真係非要改不可...
唔明... 所以一直都點唔明...
做唔到咁瀟灑... 講幾句就睇得開...
如果可以既話就唔使炆齊飽...
好似家務...
如果大妹係講得聽... 細妹又肯乖乖地分工合作...
咁我就唔使一次過洗 4 日既碗...
剩係洗碗都洗足一個半鐘...
仲有垃圾...
都係我睇唔過眼執...
隔離就係垃圾筒... 就係唔掉... 要放係台面...
大家都唔做... 等媽咪返到來又嘈...
做家務咁少事... 有 d 人就係要佢死佢都係唔做...
有 d 人就迫住日日都要做...
(又離哂題.... 返轉頭返轉頭...)

去到尾都係啤啤叫停...
所以氣氛先無再惡劣落去...
我都唔想嗌交...
但係好似講極都表達唔到自己既諗法比對方知~
心急... 心急... 仲可以做 d 咩?

當妳要賺錢交租, 沒錢開飯的時候, 妳就會明白工作跟妳的喜好一般都會是兩回事. 如果身邊還有可用的資源, 妳就儘管如此吧, 祇希望一天妳想通了, 還不算太遲;)

我明白現實同想像不能相提而論, 要養家活兒便不能沒有工作, 現家係一份會做到你精神分裂, 根本就唔岩你既工要你一直做落去, 係! 為左錢工係一定要做, 但係會做到我精神病既工, 我唔想知道左之後都繼續做, 唔想辛苦賺來既錢第時要來睇精神科, 我既事你可能唔係咁清楚, 所以我都無謂係度解釋咁多, 只係想知道我既人明白, 點解返幾日工就走... 因為出左事之後先來後悔既人只有我...同我身邊既屋企人同朋友, 今日開始, 精神同食慾都已經好返好多, 我相信下一份工我會更加小心選擇, 我都唔想做幾日就走! 因為咁樣對請左我既公司來講係一種不必要既麻煩, 希望我可以應付到下一份工, 而唔係唔識扮識係度浪費大家時間...

Ami 兔兔 : 如果做到精神分裂, 那就算要養家, 也不得不放棄啊! 修身, 然後齊家, 這是硬道理, 家庭中有一個成員不開心, 全家也受罪. 好了, 既然我不很清楚妳的處境, 就萬望妳保重, 祝妳好運:)

多謝你再來, 我都覺得如果屋企人唔開心, 其他人都會唔開心, 所以休息好我又會再出發搵錢! yeah~