前日返左媽咪屋企過夜
尋日又公眾假期啤啤唔使返工
所以尋日等啤啤起左身之後就同左我去沙田行街街拍拖啦~

因為 25 號係阿詩生日
所以啤啤想買件小禮物送比佢
知道阿詩鐘意 Hello Kitty
所以我都特別留意有 Hello Kitty 賣既鋪頭
行到第一間有 Hello Kitty 野賣既鋪頭
入去行左陣見到個風扇仔好得意~
細細個可以掛係心口出街用
我話呢個好得意丫~ 價錢又唔貴~
不如買呢個送比阿詩啦~
佢就話無咩特別跟住行左去~
竟然係咁就睇過第二樣啦~
行左個圈啤啤指住個風扇仔話叫佢攞個新啦~
我話買呢個呀? 好呀!
比錢既時候佢又行左去
咁我同個 sales 姐姐講
我送比人架有無得幫我包吓佢呀?
然後啤啤返來比錢既時候岩岩我地係度試緊個風扇仔
比完錢之後啤啤同 sales 姐姐講唔要袋
吓... 送比人唔要袋? 仲唔使包花紙?
我無即刻問點解... 可能佢覺得無必要掛~
思想特別古怪個人...
懷住一堆疑問繼續行街街
行到去一間酒店門口我忍唔住問
佢話個風扇仔係買來送比你架
出街熱既時候用架
嘻嘻~ 好開心~ 啤啤好貼心呀!
我同佢講過我近來怕焗又怕熱
唔知係咪咁所以就買來送比我~
多謝老公~~~~