老公星期六晚去左同朋友飲野...
星期日又要去飲喜酒...
2 點幾既時候我話出去行街...
老公仲係張床瞓係度問我...
「你唔等埋我啦?!」
頭先聽佢講電話同人講 5 點就出到去...
坐車一個鐘... 最遲 4 點出門口...
沖涼換衫食野裝身... 又一個鐘... 3 點就要沖涼...
睇到一半既電視節目... 睇埋先去沖涼....
咁即係唔使等佢...
所以我就話...
「約左人 5 點出到去, 你都唔夠時間, 我自己去就得架啦...」
糾纏左一陣, 佢見我 D 反應平平淡淡...
就問我...「老婆~ 你今日唔係好對路...」
我就答佢... 「無野呀~ 」
不過我唔開心之嘛... 無咩事呀...

平時星期日既 家庭日
今日得返我同 豬B 一齊過...
同 豬B 行街街好開心~
不過老公係度會仲開心囉...
一路行過見到蝴蝶既時候
會用心靈感應同 豬B 講
豬B 你睇下! 有隻蝴蝶呀!
見到有人地食住雪糕
又會用心靈感應同 豬B 講
豬B 媽咪都想食雪糕呀...
如果爸爸係度就可以叫爸爸買來食
然後我偷食一啖啦~

返到屋企見到手機一個 未接來電 都無
於是我就打比佢話我知我返到屋企
佢話出去有打過比我
可能因為 D 地方收唔到...
所以我一直都收唔到佢電話...
打比老公既時候老公打緊牌...
佢都無咩心情同我傾多 2 句就收左線...
返到屋企同老爺一齊食左野之後我就返左入房...
打打下日記有時會忍唔住眼濕濕...
都係自己任性... 成日都要人陪...
唔緊要~ 有 豬B 陪我都已經好開心
發現 豬B 係肚裡面越來越大
就已經夠我開心... 咁小既事難過完就算~
唔想成日都唔開心會影響 豬B...