老公對 BB 既野咩都唔識...
我會唔會一個人擔起哂照顧 BB 既工作呢~?
20 號突如其來既穿水... 陣痛... 入院...
自從 BB 出世以來~
老公都一路照顧 BB 有加~
有既時候我覺得佢比我仲緊張 BB 既一切
夜晚瞓落床之後我真係瞓到同一隻死豬無咩分別...
可能因為出院以來都無咩點真正休息過
喂奶換片... 時間日夜癲倒...
每日合起來休息既時間不足 5 小時
飲食不足... 休息不足...
終於係 30 號晚發高燒 (40度) 而再度入院~
係入院呢 4 日 4 夜裡面
有大半既時間都要打針打點滴...
對於最怕打針既我來講...
呢幾日入院真係一埸惡夢...
幸好老公每日都會來探我~
每日都同我傾 BB 既野~ 屋企既野~
住到第 3 晚既時候真係好掛住老公同 BB~
老公因為要湊 BB 有一日既下午來唔到探我~
但係後來就算剩底少少時間佢都跑過來見一見我
我覺得老公真係好關心我~
本來我既性格都算獨立
但係就比較怕自己一個人...
可能由細到大都有妹妹做伴~
所以老公唔係身邊我就令舍唔開心同覺得悶~
老公可能知我怕悶, 又驚我一個人亂諗野係度喊~
所以好多時有時間佢都會陪我直到探病時間夠鐘
因為我入左院既關係
老公又特登攞左 2 日假
方便探我又方便多 D 時間照顧 BB
嫁到個咁鍚自己又咁有責任心既老公
我覺得真係又開心又自豪~
希望我地一家三口可以開開心心一直生活落去~
